मुग्लिन। त्रिशूली नदीमा गाडी खसेको छ । चितवनको इच्छाकामना ५ मुग्लिन नजिकै ३ नम्बर पुलबाट आज विहान ४ बजेको समयमा त्रिशूली नदीमा गाडी खसेको इलाका प्रहरी कार्यालय मुग्लिनले जनाएको छ । गाडी पूर्ण रुपमा नदीमा डुबेको छ ।
दुर्घटना स्थलको नदी किनारमा भारतीय गाडीको बि आर ०९ जिसि १४३० नम्बरको प्लेट र चप्पल भेटिएको छ । कस्तो सवारी साधन हो र कती जना सवार थिए भन्ने एकिन नभएको प्रहरीले जनाएको छ । अहिले इलाका प्रहरी कार्यालय मुग्लिन र सशस्त्र प्रहरी बल कुरिनटारको गोताखोर टिम घटना स्थलमा परिचालन गरिएको छ ।
विस्तृत विवरण आउन बाँकी छ ।
