मनहरी–माघ २६ गते । पाँचौ मनहरी महोत्सवमा बिहिबार लोकप्रिय गायिका तथा मोडल ज्योति मगरको प्रस्तुतिले महोत्सव अवलोकन गर्न आएका दर्शकहरु मन्त्रमुग्ध भएका छन् ।
उनीहरुले ज्योति मगरले गाएका आधादर्जन जति गीतमा स्वर मिसाएर साथ दिएका थिए । ज्योतिले ‘उही मूलाको सिन्की, उही मुलाका चाना’, ‘चोरी खान पल्केको यो ढाडे बिरालो’ लगायतका आधा दर्जन बढी गीत गाउनु भएको थियो ।
बीच बीचमा उहाँले द्विअर्थी कुराहरु गरेर युवा र तन्नेरीहरुलाई रोमान्चित र उत्तेजित बनाइरहँदा बृद्धबृद्धाहरु समेत रमाइरहेका देखिन्थे । अश्लील र अभद्रता प्रदर्शन गर्ने आरोप लागेका ज्योतिकै कारण महोत्सवमा दर्शकहरुको ओइरो लागेका थियो ।
महोत्सवमा ज्योतिसँगै गायक ढाकाराम पौडेल, सुनिता थापा, तारा थापा, मुना अर्याल, दिपक कालिराज लगायतले महोत्सवमा प्रस्तुति दिनु भएको थियो भने आस्था कला केन्द्रको तर्फबाट नियमित रुपमा नृत्य प्रस्तुत भइरहेको छ ।
भोलि माघ २६ गतेका लागि ‘धोकेबाज हौ तिमी’ गीतकी गायिका एलिना चौहान, चन्दा अर्याल, कमेडिएन दिनेश काफ्ले, आरपी सापकोटा, शितल कल्पना, रवि लामा, स्थानीय ब्याण्डको प्रस्तुति रहने आयोजकले जनाएको छ । त्यसैगरी भोलि नै लाइभ दोहोरी प्रतियोगिताको पनि फाइनल प्रतिस्पर्धा हुँदैछ ।
तृत्तीयका लागि विनोद अर्यालको समूह र दोहोरी प्रतिष्ठान (ख) बीच प्रतिस्पर्धा हुनेछ भने फाइनलमा दोहोरी प्रतिष्ठान क र दिपेन्द्र पुनको समूहबीच प्रतिस्पर्धा हुने आयोजक राष्ट्रिय लोक तथा दोहोरी गीत प्रतिष्ठान मकवानपुरका अध्यक्ष रविन्द्र थिङले बताउनुभयो ।
दोहोरीको माघ २६ गते फाइनल हुँदैछ । फाइनल लाइभ दोहोरी प्रतिष्ठान चितवन क र दिपेन्द्र पुनको समूहबीच फाइनल प्रतिस्पर्धा हुनेछ । प्रतियोगितामा प्रथम हुनेलाई २० हजार नगदसहित प्रमाणपत्र, द्वित्तीय हुनेलाई १५ हजार रुपियाँसहित प्रमाण पत्र र तृत्तीय हुनेलाई १० हजार रुपियाँसहित प्रमाणपत्र तथा सान्त्वना हुनेलाई ५ हजार रुपियाँ नगदसहित प्रमाण पत्र प्रदान गरिनेछ ।
त्यसैगरी उत्कृष्ट गायक र उत्कृष्ट गायिकालाई पनि ५ हजार रुपियाँसहित प्रमाणपत्र प्रदान गरिने आयोजकले जनाएको छ ।
ज्योति मगर हेरेर दर्शक मख्खै, आज एलिना चौहानले ‘धोकेबाज हौ तिमी’ गाउने
यो पनि पढौँ
ताजा खबर
सबैजनजाति साँस्कृतिक महोत्सवको समय तीन दिन लम्बिने
राक्सिराङको बिद्यालय ब्यबस्थापन समितीको अध्यक्षमा गणेश सर्बसम्मतले चयन
आज चर्चित गायिका अन्जु पन्त राप्तीको प्रार्थना सभा कार्यक्रममा आउने
राप्ती क्रिश्चियन समाजको बार्षिक उत्सवमा अग्रज पास्टरलाई सम्मान
कालिखोला देउराली सामुदायिक वन इच्छाकामनाको अध्यक्षमा गुरुङ निर्बाचित